Areslan kaj o Ungdomsstyrelsen

O Ungdomsstyrelsen si jekh themutno departamento kaj kerrel buchi pe kodo ot le ternen te avel glaso thaj glaso ande manushikani hasna.

Ame kado kerras pherdal:

  • te vazdas opre thaj anas angle zhanipe pa le ternengo trajo
  • te dikhas pherdal le parlamentosko thaj le regeringosko rodipe ande e nationalno politika le ternenge
  • te das zhutipe kaj le kommuni ande lengi buchi pe ternengi politika
  • te hulavas lovengo zhutipe kaj le organizaciji thaj kaver gruppi. Ame das lovengo zhutipe pe lengi buchi, nationalni projektura, internationalni projektura le ternenge thaj buchi internationalno kethanes. Sa le love so hulavas avel kathar le regeringoski decizia.

Kaste ame rodas te aresas:

  • kodolende kaj len le deciziji
  • themeske buchara
  • organizaciji kaj kerren buchi ternenca, zhuvljanca, hbt-manush, nationalni minoritetura, ethnichni minoritetura, thaj maj dur.

Love pe jekhimaski buchi mashkar le nationalni minoritetura

O rodipe kusa le love si te delpe zhutipe kaj e nationalni minoritetura ande buchi pe diskriminacia thaj o jekhipe ande lenge organizaciji. E buchi kerrelpe ande projektoski forma. Le love shaj aven hasnime, mashkar kavereste, pel projektura save zuraren le zhuvljan thaj del len maj baro shajipe te len poziciji ande organizacia. Von vi shaj zhan netverkoski buchi ande thaj mashkar le nationalni minoritetura thaj kaver projektura save vazden maj dur e buchi.
O Ungdomsstyrelsen si te hulavel le love mashkar le bersh 2011-2014. Sako bersh aven andre 2,7 miljiono po hulajipe.

Kon shaj rodel?

Le nationalni minoritetonge organizaciji.

Vrama rodimaski

Le love shaj rodenpe maj cera jekhvarres ando bersh. E decizia pe vortha kana kado avel lelpe bersh kathar o bersh.

Vorbin kaj jekh buchari amende kaj lel sam pe lovengo zhutipe, te vorbis pa chirre projektosko gindo.

Viktigt material